فرسٹ یٸر ایم بی بی ایس کا بچہ جسکو میڈیکل فِیلڈ میں آۓ گِنتی کے چند دن ہی ہوۓ جسکو ڈگری ملنے میں ابھی پانچ سال باقی۔وہ مجھ سے پوچھ رہا ہے کون کون سے اور کیسے طریقے ہیں جنکو اختیار کر کے چھ سال بعد وہ یہ ملک چھوڑ کر کسی اور ملک جا کے انسانیت کی خدمت کرۓ گا۔ایم بی بی ایس پہلے سال کا بچہ ہو یا پانچویں سال کا وہ ڈگری ملنے سے کٸ سال پہلے ہی یہ فیصلہ کر کے بیٹھا ہوتا ہے کہ باہر کہیں بھی جاوں گا لیکن اس ملک میں نہیں رہوں گا! کیوں؟ ایم بی بی ایس کی ڈِگری پر کروڑوں لگا کے باہر کیوں جانا؟کیا یہاں مریض نہیں ہیں؟ یہاں کے بیمار کو ڈاکٹر کی ضرورت نہیں؟ نہیں ایسا تو نہیں ہے۔۔۔پھر یہ سوچ کیوں؟شروع سے ہی باہر جاتے وہاں پڑھتے مسیحا بن کر خدمت کرتے۔جس ملک میں پڑھے ڈِگری لی انکی خدمت کا کیوں نہیں سوچتے؟ اس کیوں کا جواب یہاں ہر عام انسان کے پاس بھی ہے۔جس مرضی شخص کے پاس بیٹھ جاو وہ کچھ ہی وقت میں آپ کے سامنے ہر سسٹم کھول کے رکھ دے گا۔وہ آپ کے سامنے واضح کر دے گا یہاں ہر سسٹم تباہ ہے۔اس میں کوٸ شک نہیں ہم تباہ بھی ہیں زوال کا شکار بھی ہیں یہ تو بچہ بچہ جانتا ہے۔کیا کبھی غور کیا اس کے پیچھے پسِ منظر کیا شاید اس کا حل نِکل جاۓ اور اس طرح کی سوچ سے ہمارا نوجوان بچ جاۓ۔وجہ معلوم ہوگی تب ہی تو اس کو ختم کیا جاۓ گا؟ اب سوال یہ اٹھتا وجہ کی تلاش کون کرۓ گا ظاہر ہے ہم۔بجاۓ سسٹم کی خرابی کا رونا رونے کے اس زوال کے سبب کو جان کر اسکو ختم کریں تو کوٸ بھی طالبعلم باہر کی سوچ کے ساتھ کسی تعلیمی ادارے میں داخل نہیں ہوگا وہ اپنی سرزمین کو چھوڑنے کا مشکل فیصلہ نہیں لے گا۔تو آٸیں ایک نظر ان وجوہات پر ڈالتے ہیں۔
آج ہم زوال پذیر ہیں کیونکہ ہم اس جڑ سے علیحدہ ہوگۓ جو ہماری بقا تھی۔بغیر سبب کے تو ہم فقیر کو خیرات بھی نہیں دیتے تو زوال کیسے کسی وجہ کے بغیر آگیا تاریخ گواہ ہے جب تک مسلمان نظامِ مُصطفیٰﷺ سے وابستہ رہے تعلیماتِ اسلام پر عمل کرتے رہے کامیاب رہے۔جب سے درِ مُصطفُیﷺ سے تعلق توڑا ایٹمی طاقت ہوتے ہوۓ بھی ذلیل و رسوا ہیں کیونکہ عزت صرف اسلام میں ہے۔جب سے قرآن سے رہنماٸ حاصل کرنا چھوڑ دی تباہ ہو کر رہے گۓ۔حضورﷺ کی غلامی ترک کر کے انگریز کے غلام جا بنے،غیرت،ایمان بہادری جیسے عناصر کو اپنی زندگیوں سے نکال دیا۔اسلام کی حدود توڑیں۔ترجیحات بدلیں۔اسلامی ثقافت اسلامی طرزِ زندگی اسلامی نظام اسلامی تہذیب سے لا تعلقی کو اختیار کیا تو زوال نے ہماری طرف رخ موڑ لیا۔
ہمارے آباواجداد تو بڑی شان والے تھے انہوں نے کامیابی کی وہ منزلیں طے کیں،ایسی تاریخ رقم کی کہ آج بھی کفر انکے نام سے کانپ اٹھتا ہے۔ہماری نسبت بھی تو ان سے ہے پھر ہم ذلیل کیوں؟ کیونکہ وہ ایمان نہیں وہ جذبہ نہیں وہ فکر نہیں وہ تدبر نہیں وہ ضمیر نہیں وہ غیرت نہیں وہ علم نہیں وہ عمل نہیں مختصر یہ کہ ان جیسی کوٸ بات نہیں جو مسلمان کو زوال سے بچاۓ۔علم کی کمی اور جہالت کا عام ہونا قوم پر زوال لے آتا۔

تھے تو آبا وہ تمھارے مگر تم کیا ہو
ہاتھ پہ ہاتھ دھرے منتظر فردا ہو

ازقلم ڈاکٹر ثناء ایوب